Adobe Flash Player not installed or older than 9.0.115!
Euskal Unibertsoaren testuinguruan aurten ere "Campusak biluztu" ekimena jarri dugu martxan. Aurtengoan laburmetrai lehiaketa bat egingo dugu, eta saria 500€koa izango da. Irakurri azpian lehiaketaren baldintzak:
Laburmetraiak bideo kamararekin, argazki kamara digitalarekin edo telefono mugikorrarekin grabatu daitezke.
Ez dute gutxieneko iraupenik izango, gehienezkoa 10 minutukoa izango delarik.
Gaia: "Campusak biluztu" (egungo campusetako egoera larru gorritan)
Nola parte hartu:
Laburmetraiak formato digitalean euskaltubera igo behar dira (euskaltube.com). Ostean lotura campusakbiluztu@hotmail.com e-mailera bidali behar dira.
Laburmetrai guztiak Euskal Herriak Bere Eskolaren web orrian egongo dira ikusgai.
Laburmetraiak bidaltzeko azken eguna Apirilaren 22a izango da.
Saria:
500 euro ikas materialean: liburuak, material informatikoa, teknologia berriak... edo zuk behar duzun materiala.
www.euskaleskola.org web orrian laburmetraiak bozkatzeko aukera egongo da, eta bertan boto gehien jasotzen dituen laburmetraiak eramango du saria.
Laburmetrai guztien proiekzioa eta irabazlearen iragarpena Euskal Unibertsoa '08-n egingo da Gasteizen Apirilaren 24an.
