Oreretan aspaldidanikoa da Haur Eskolen beharra. Eskualdean badaude “guarderia” delako Haur Zaintza bat baino gehiago, baina herriaren aldarria izaeraz hezitzaileak izango diren, herriaren zerbitzura egongo diren eta euskaraz jardungo duten Haur Eskolak dira. Gaurkoan, ordea, ezin ahaztu ditzakegu, irakasle, guraso eta herritar ugariren borondate zintzoarekin aurrera atera diren Haur Eskolak, gaur egun Euskal Herri mailako aitortza pedagogikoa irabazi dutenak eta etorkizuneko erreferentzia bilakatu direnak.
