Gaur8 astekariak unibertsitatera sartzeko hautaprobak eztabaidan jarri ditu, "Nola baloratzen dituzu unibertsitatera sartzeko azterketak?" galderarekin. Bertan EHBEko kide den Edurne Larrañagak iaz egin genuen "Selektibitatea eta baxoa eztabaidagai" jardunaldiaren ideia nagusiak laburbildu ditu:

Edurne Larrañaga, EHBEko kidea

EHBEren arabera, beharrezkoa da proba hauen gaineko hausnarketa sakona egitea. «Hezkuntza sistema arrotzen inposaketaren adibiderik gordinena direla kontutan hartuz, herri gisa jarrera komuna definitu behar dugu», nabarmendu du Edurne Larrañagak. Bakoitzak bere ikuspegia izanen badu ere, Hezkuntza Sistema Nazionalaren alde dauden herritar, sektore eta eragileek lan ildo zehatzak mahai gainean jarri behar dituztela pentsatzen du, egungo hautaprobei aurre egin eta bestelako eredu bat egunez egun eraikitzeko.

Defendatu duenez, ikasleak dira subjektua eta beraiek barneratu beharreko gaitasunek egon beharko lukete erdigunean. Beste gauza bat da hori nola baloratuko den. Gero eta gehiago dira ebaluazio jarraituaren aldeko apustua egiten dutenak.

Herri mugimendu honek hautaproben eta baxoaren gaineko ikuspegi kritikoa du. Eta baieztapen horretara iristeko, hiru aldagai izan ditu presente.

Iritzi artkulua: Aitziber Martinez de Lagos Sortzen-Ikasbatuazeko koordinatzaile nagusia

Iritzi artikulua: Unai Txurruka Maiztegi, Ikoitz Arrese Otegi Ikasle Abertzaleakeko bozeramaileak

Euskal Autonomia Erkidegoko legealdi honetan erabat agerikoa izan da Euskal Herriaren asimilaziorako PPk eta PSEk darabilten paktu autoritario eta españolista. Itun horri jarraiki, lotsagarriak izan dira Isabel Celaák zuzendutako Hezkuntza Sailak azken ikasturtean adostutako neurri ezberdinak. Iragan astean Euskal Herriko Aldizkari Ofizialean argitaratu zen curriculum dekretu berria, non Euskal Herria terminoa balioz hustu nahi izan duten, ikasleak euskaldunduko ez dituen hirueledun hizkuntza lege berria edota, orain, korrika eta presaka adostu duten “Bakerako Hezkuntza Plana” deritzona dira aipagarrienak.

Azken plan honek sortu du zalaparta azken egunetan. Ez da gutxiagorako, bederen. Ikasle eta abertzaleok, aplikatu nahi izan den moduagatik eta baita jasotzen dituen edukiengatik ere, aipatutako dokumentuarekiko gure desadostasuna adierazi nahi dugu.

Lehenik eta behin, ikasturte honetan zehar Hezkuntza Sailak hezkuntza komunitateari egindako jaramon eza salatu nahi dugu. Onartu dituzten dekretu eta plan guztiak inposaketaren bitartez ezarriak izan dira. Hezkuntza komunitatea osatzen dugun ikasle, hezitzaile, guraso, hezkuntzako langile eta herritar ezberdinen hitza aintzat hartu barik adostuak izan dira. Azken adibidea, “Bakerako Hezkuntza Plana”.