Euskal Herriak Bere Eskolak bat egiten du maiatzaren 21ean Euskal Herriko gehiengo sindikalak deitutako Greba Orokorrarekin. Horregatik maiatzaren 21ean hezkuntzako kide guztiei deia egiten diegu langileon eskubideen alde eta eredu sozioekonomiko justu baten alde kalera atera eta mobiliza daitezen. Era berean salatu nahi dugu bai EAEn bai Nafarroa Garaian gobernuek zerbitzu minimoekin erakutsitako prepotentzia eta eskubide urraketa. Greba eskubidea ukatu nahi dute eta horretarako inoizko eskaririk handiena egin dute, grebaren izaera bera albo batera utziz.

Azkenik Euskal Herriak Bere Eskolak kalera irtetzeko deia luzatu nahi diogu jendarte osoari, eskubide sozialen aldeko mobilizazio honetan. Eta era berean webgune hau itxi eta http://www.grebaorokorra.info webgunea bisitatzeko gonbitea luzatu nahi dizuegu.

Maiatzaren 21ean, Greba Orokorra!