Selektibitatea dator eta Ikasle Abertzaleakek berau kritikatu du prentsa ohar baten bitarteaz:
Bi urtez ikasi dugun guztia hiru egunetan zehar mahai bati lotuta eta izugarrizko presioarekin botaka egin beharko dugu, azken urte guztietan barneratu ditugun jakintza guztiak paper baten gainean islatu eta ezagutu ere egiten ez gaituen irakasle baten gain gure ebaluazioa utzi beharko dugu.
Baina zertarako selektibitatea? Unibertsitario izateko prestatuak gauden edo ez frogatzeko? Guk argi daukagu selektibitatea espainiar edukiak barneratu ditugula ziurtatzeko tresna bat besterik ez dela. Ikasle guztiok uztai berdinetik pasatu behar dugu, EHan nahiz Murtzian.
Curriculum arrotzen inspekzio zorrotza da selektibitatea: historia, kultura, hizkuntza… arrotzak ikasleok urteetako heziketa prozesuan txintxo txintxo eta zalantzetan jarri gabe barneratu ditugula bermatu nahi dute azterketa basati honen bitartez.
Eusko Jaurlaritzak onartu duen EAErako Curriculum berria herri honen gehiengoen nahiaren aurkakoa da. Oraindik osorik esku artean ez dugunez ezin dugu irakurketa zehatzik egin, baina prentsaren bitartez jasotako hainbat pasarterekin argi ikusten da zein den egoera eta erasoaren tamaina.
Euskara Euskara eta gaztelera maila berdinean jartzen ditu. Nahiz eta euskarak esfortzu handiagoak behar dituela onartu argi ikusten dugu euskara desagertzera kondenatunahi dutela. Ikusi besterik ez dago proposaturiko eredu hirueledun berria: euskarak, gehienez, oraingo B ereduan duen presentzia bera izan dezake. Euskara eta gaztelera maila berean jartzeak ez du esan nahi biak ezagutuko dituenik ikasleak eskola bukatzerakoan. Are eta gehiago, gertatuko dena justuki kontrakoa da: eremu ez euskaldunetan milaka izango dira euskara menperatuko ez duten ikasleak. Gainera hainbat kasutan euskara "ez-ebaluagarri" izango dela diote, hau da, ikasgai bakarrera muga daitekeela aurreikusten dutela. Euskara ez-ebaluagarri egiteak argi uzten du bi hizkuntzak ez dituztela maila berean jartzen, gaztelera beti delako ebaluagarri. Herri honen gehiengoak argi utzi du zein den bere hautua. Aukera ematen denean, eta Araba, Bizkaia eta Gipuzkoan aukera hori bada, D eredua da eredurik hautatuena. D eredua da, gaur egun, euskalduntzea lortzen duen bakarra. Eta ildo horretatik jarraitu beharrean euren nahi eta desiren arabera jotzen dute... gutxiengoaren nahiak eta desirak.
Euskal Herria Euskal Herria terminoari balio kulturala baino ez diote ematen. Euskal Herria Pirinioen bi aldeetan baden herri bat dela onartu ostean folklorismoaren ikuspegitik heltzen diote. Oraindik ezin dugu testu osoa baloratu, baina argi uzten dute zein den euren ideala: gure herria badela ukatu eta honekin euren proiektu politikoa gauzatu. Gainera Nafarroako Gobernuak sartutako errekurtsoari men egiten diote eta Curriculum berria "legaltasunaren barruan" dagoela esaten dute. Argi dago zein den legaltasun hori: Espainiako Konstituzioa.
Gatazkaren trataera Euskal Herriak bizi duen gatazka politikoa eskoletan txertatu behar dela esaten dute. EHBEn beti defendatu izan dugu dauden gatazka ezberdinek lekua izan behar dutela hezkuntzan. Azken finean jendarte osoari gatazka horiek ulertu eta konpontzea baldin badagokio eskola leku ona da euren lanketa egiteko. Baina Celaák proposatzen duena ez da hori. Celaák proposatzen duena egi bakar eta absolutua dutela onartzea da. Eurena da proiektu apartidista eta beste guztiona ideologizatua omen. ETAk erabilitako biolentzia "biolentzia ilegitimoa" dela esaten dute. Horrekin ondorioztatu dezakegu badirela "biolentzia legitimoak". Eta berez hala da. Izan ere "Educacion para la Ciudadanía" ikasgaian Espainiako Armadak egiten dituen misioak goresten ikasi behar baita. Ez dugu esango euskal gatazka politikoak lekurik ez duenik. Baina ikasleei alderdi bakar bat erakustea, errealitatea desitxuratzeaz gain, pedagogikoki ideia txarra dela esan dezakegu.
Guzti hau dela eta Curriculum Dekretu honen aurka bildu eta mobilizatzeko deialdia luzatu nahi dugu. Ikastetxe ikastetxe egoerari buelta eman behar diogu eta Euskal Herriak behar duen Curriculuma eraiki. Guztion lana da.
"Hemos visto introducciones de algunos libros en las que se habla de España, Francia y Euskal Herria. Y eso no se puede admitir. Hasta ahora no había un requerimiento formal para que no utilizaran estos materiales, por lo tanto, no había incumplimiento. Sin embargo, a partir de ahora, sí que lo hay y si el próximo curso algún centro usa libros o materiales contrarios al currículo, se le abrirá expediente" - Carlos Pérez-Nievas, 2009ko martxoa
"Los Inspectores de Primera enseñanza, en las visitas que realicen, examinarán los libros de texto en las Escuelas, y si no estuviesen escritos en español o contuvieren doctrinas de tendencias contrarias a la unidad de la Patria, o contra las bases que constituyen el fundamento del régimen social, los harán retirar inmediatamente de manos de los niños y procederán a formar expediente al Maestro, suspendiéndole de empleo y medio sueldo y dando cuenta a V. E."Miguel Primo de Rivera. Real Orden del 13 de octubre de 1925.
Euskal Herriak Bere Eskolako kideok gertakari hau oso larria dela uste dugu. Nafarroako Gobernuak euskal kutsu duen edozeren aurka jokatzen duela badakigu. Ez dira berriak erasoak eta, bihar gure webgunean argitaratuko dugun bezala, orain mehatxu eta zentsurarekin doaz ikastetxeetara. Herri honen gehiengoak euskal eskola bat nahi duela, hizkuntzaz eta edukiz, estali nahi dute. Gure herria desagertarazi nahi dute, herritarren borondatearekin jokatu eta, garbitzaile txarrek egiten duten bezala arazoa alfonbraren azpian izkutatu nahi dute. Orain, gainera, euren gurutzadan, EAEko juje eta fiskalen laguntza dute.
Bada, ez dute lortuko! Gure herriaren gehiengoak Euskal Herria ikasi nahi du eta hala izaten jarraituko du ikastetxeetan. Euskal Curriculuma eraikitzen jarraituko dugulako eta ezin delako herri baten borondatearen kontrako ebazpenik egin.
Hezkuntza komunitateari, euskal jendarteari, deialdi berezi bat egin nahi diogu: martxoaren 13an Bilbon egingo den mobilizazioan parte hartzea baino egunez egun antolatu eta nahi eta behar dugun hezkuntza sistema eraiki dezan eskatu nahi diogu.
Inposaketen gainetik, Euskal Curriculuma eraikiko dugu!
Isabel Celaák adierazi duenez testu-liburuetatik "Euskal Herria" kontzeptua desagerrarazteko gurutzada martxan dago. Horrela EAEn zein Nafarroan dagoeneko Ipar Euskal Herrian bizi dugun egoera ikusiko dugu laster: Euskal Herriaren ukazioa, eskolaren bitartezko ikasleen desnazionalizatzea eta euskal kulturarekin amaitzea. Hau guztia salatzeko Durangoko euskal liburu eta diska azokan ekimena burutu dugu. Horretarako, Nafarroako hainbat ekimenetan agertu den "Super Español" eta "Isabel CelaA" deitu ditugu. Postu ezberdinetako arduradun zein langileei eta bertatik pasa ziren hainbat irakasleri eskuorria banatu zieten, "Euskal Herria" hitza zuten testu-liburuak eta, orohar, edozein euskarri, bistatik kentzeko eskatuz. Banatutako eskuorria eskuinan jaitsi daiteke.
Adobe Flash Player not installed or older than 9.0.115!
Nafarroako Gobernuak Euskal Herria terminoa kendu nahi du testu-liburu, ikastetxe eta orohar edozein lekutik. Hau dela eta Euskal Herriak Bere Eskola, Ikasle Abertzaleak, Bai Euskal Herriari, Sortzen-Ikasbatuaz eta LABek testu bat adostu dugu ikastetxe eta herrietan banatzeko:
Europako sustrai zaharrenen jabe den herriari, bere sustraiak moztu eta desagerrarazteko temati jarraitzen dute betikoek.
Betikoek diogu, euskal nortasuna eta nazio identitatea behin eta berriz nahastu eta manipulatzeko saiakerak etenik ez duelako izan gure historian.
Gaur egun Nafarroa Garaiko administrazioaren kudeatzaile profesionalek setati dihardute euskal izatea bera agertu edo aldarrika lezakeen guztiaren aurka.
Bide horretan ulertu behar ditugu Nafarroa Garaian euskal identitatearen aurka daramaten gurutzada: Ikurriña eta euskal nortasun ikurrak legez kanporatu dituzte, gure hizkuntza nazionala den Euskara mugatu, baztertu eta diskriminaturik dute, olentzeroekin gertaturikoa edo eta San Fermin jaien harira antolaturiko egitarau herrikoiei ezarririko oztopoak... eta nola ez azkena: Ikastetxetako testu liburuetan Euskal Herria izenaren inguruko sasi ehiza.
Euskal Curriculumaren aldeko kanpainarekin jarraitzen dugu eta herrietan sinadurak biltzen jarraitzen dugu. Gainera unibertsitate eta ikastetxeetara ere hedatu dugu kanpaina, guztira 10.000 lortzeko erronkarekin. Dagoeneko 3.500 lortu ditugu... eman al duzu zurea?
bedava porno izle
porno izle
porn izle
bedava porno izle
porno izle
porn izle