Ikasturtero egiten dituzte unibertsitate ezberdinetan hasiera ekitaldi ponpoxoak. Badirudi ospatzen zerbait dutela edo eta unibertsitateak aurrean dituen erronkak bai, baina batez ere zein onak diren esan ohi dute. Eta gero "autokonplazientzia" unibertsitatearentzat txarra dela ere esan ohi dute. Aurtengoan UPVk Gasteizen hastea erabaki du eta horretarako ekitaldi ponpoxoa bai, baina krisia izango ote da eta ohi baino gonbidatu gutxiago: ez da ikaslerik, ezta Gobernu Batzordean daudenak ere, gonbidaturik izan...

Gaur, goizeko 10:30etan Ibarretxe eta beste hainbat ordezkari etorri dira Gasteizko Filologi eta Geografi fakultatera.

Euskal Herriak Bere Eskolatik kontzentrazioa egiteko deialdia luzatu dugu. Goizeko 11:00etan 40 bat pertsona fakultatera hurbildu gara bertan (kanpoan) kontzentrazio bat egiteko asmoz. Segituan ertzaintza gerturatu eta pankarta erakusteko eskatu digu. Eztabaida txiki baten ostean, pankarta erakutsi eta ea kontzentraziorako baimenik ba ote genuen galdetu digute. Ez zegoen baimenik, campus barrua egiten diren ekimen gehienetan bezala. Beraz, kontzentrazioa egitekotan identifikatu egingo gintuztela esan digute.

Gure artean hitz egin ostean, kontzentrazioa egitea erabaki dugu. Horren ondorioz, bi identifikatu egon dira eta santzioa iritsiko zaigula jakinarazi digute.

Kontzentrazioa egin eta irakurteka labur bat egin dugu.