Iaz "Campusak biluztu" dinamika jarri genuen martxan etabertan laburmetrai leihaketa bat egon zen. Aurten "Campusak larru gorritan" dinamikaren baitan Adierazpen Artistikoen Leihaketa egitea proposatzen dizuegu. Hemendik aurrera egunero diziplina batean egin beharrekoa aurkezten joango gara, baina horren aurretik baldintza orokorrak azalduko ditugu:

Gaia: Artearen bidez campusak larru gorritan uztea, hau da, pairatzen ditugun eskubide urraketa eta inposaketak salatzea.
Diziplinak: Aurten lau diziplina egongo dira:

• Arte plastikoak
• Laburmetraiak
• Musika
• Literatura

Epea: Lanak aurkezteko azken eguna Urtarrilaren 31 izango da. Gero, hilabete osoa egongo da internet bidez gure web orrian bozkatzeko; otsailaren 28rarte. Eta Martxoaren 2an publiko egingo da irabazlearen izena kategoria bakoitzean web orrian.
Saria: Diziplina bakoitzeko 500 euro egongo da ikas-material edo liburuak erosteko. Saria jasotzeko hilabeteko epea egongo da
Lizentzia: Lanaren jabetza lana egin duenarena izango da. Lan guztiak, hala ere, cc-by-sa lizentziarekin argitaratuko dira. Hau da, egileak CreativeCommons-Attribution-ShareAlike lizentzian utziko ditu bere lanak, gero liburuxka formatuan edo bestelakotan argitaratua izan dadin baimenduz.
Lanen bidalketa: Lanak bidaltzeko diziplina bakoitzak bere eredua izango du eta webgune honetan joango gara azaltzen.