Orereta Ikastolako, Lezo Herri Eskolako, Pasaia-Lezo Lizeoko, Koldo Mitxelenako eta Langaitz Ikastolako hainbat langilek elkarretaratzea egin dute gaur Errenteria-Oreretako enparantzan, Oarsoaldeko Ikastetxeetan eta Euskal Herrian "hezkuntzak bizi duen eguneroko jarduerarekin eta egun bizi duen egoerarekin kezkatuta" daudela adierazteko. Larunbatean 18:00etatik aurrera bulebarrean egingo duten manifestaldira joateko deia egin dute Oarsoaldeko ikastetxeetako kideek "hezkuntza komunitatearekin batera, herritarrak Donostian egotea garrantzitsua izango baita".
Larunbatean kultura, euskara eta hezkuntzako haninbat pertsonek deitu duten manifestaldia arratsaldeko 18etan aterako da Donostiako Boulevardetik. Euskal Herriak Bere Eskolak berriro deitu nahi du bertan parte-hartzera.
Gaurko agerraldiaren bidez, Euskal Herriak bere eskola (EHBE) hezkuntza mugimenduak pasa den ostiralean hezkuntza zein kulturako hainbat herritarrek izandako iniziatiba txalotu eta ekainaren 26an Donostian “Euskal Herriak behar duen hezkuntzaren alde” lelopean burutuko den manifestaldiari babesa adierazi nahi diogu.
Hezkuntza Sistema Nazionala antolatu zein egituratzeko eskubidea euskal herritar guztioi dagokigun eskubidea da. Azken urteetan hainbat urrats eman ditugu bide horretan, hezkuntza komunitateko sektore guztien partehartzean eta adostasunean oinarriturik. Ezberdintasunak egon arren, gai izan gara batzen gaituena indartu eta herri gisa irudikatzeko. Gure nahia da Hezkuntza Sistema euskalduna eta herritarra eraikitzea. Euskalduna diogunean, hizkuntzaz ari gara (euskarazkoa eta euskaldunduko duena), baina baita edukiez ere. Izan ere, hezkuntza euskal kulturaren transmisiorako tresna da, belaunaldi berriei euskaldun egiten gaituzten ezagutza, balore zein jakintza kolektiboak transmititzen dituena. Eta hori ez da hezkutzaren politizazioa, errealitatean oinarrituriko heziketa kritikoa bermatzea baizik.
• Euskaldunok gara behar dugun Hezkuntza Sistema erabakitzeko gaitasuna izan behar dugunok, hezkuntza eskubideetan oinarrituriko hezkuntza sistema erabakitzeko eskubidea. Hezkuntza herri proiektua da eta bide horretan, herriaren eta ikastetxearen arteko harremana iraunkorra izan behar du, herriak arreta Ikastetxe bakoitzak hezkuntza proiektu propioak garatzeko ahalmena izan behar du, kanpo esku-hartzerik gabe eta autonomiaren printzipioak gidaturik. • Ikasleak hezkuntza prozesuaren subjektu dira, eta gaitasunetan oinarrituriko heziketa prozesua zor zaie, erreealitatea ikuspegi kritikotik aztertu eta euren erabakiak har ditzaten. • Hezkuntzako langileen izaera profesionalak etengabeko formakuntza eskatzen du, Euskal Herriaren beharrei erantzungo dion formakuntza. Euren gaitasun hezitzaileak modu integralean garatzeko ezinbestekoa da etengabeko formakuntza, tresnak eskuratu ditzaten heziketak Euskal Herriak zein tokian toki • Gurasoak hezkuntza sistemaren parte diren neurrian, hezkuntza sisteman parte hartu behar dute eta, zehazki, euren ikastetxeko hezkuntza proiektuan eragin.
Hezkuntza, kultura eta euskalgintzarekin lotutako hainbat pertsonek ekainaren 26an Donostian manifestaldia egiteko deialdia egin dute gaurkoan. Saroi Jauregik irakurritako testuarekin bat egin dute, prentsaurrean 20 pertsonatik gorak, tartean Euskal Herriak Bere Eskolako kide batzuek. Helburua asteartetik aurrera nahi duten eragile guztien atxikimendua jasotzea da, hala nola nahi duten norbanakoena. EHBEk hurrengo asteko asteartean prentsaurrean iragarriko ditu mobilizazio honekin bat egiteko arrazoiak, baina bihoa hemendik bat egiteko gure deialdia. Informazio gehiagorako: http://www.blogari.net/agiriahez
Gure herrian azken hamarkadetan garatzen ari garen hezkuntza-bidean bildutako esperientziak bultzatu gaitu agiri hau zabaltzera. Hezkuntza irekia, parte hartzailea, euskalduna eta pluralista lantzen ari gara gure ikastetxeetan, helburu ideologiko alderdikoiak gainditu eta herriaren gehiengoak lortu nahi dituen xedeei begira. Hezkuntzan egiten ari garen bide hau, bizi ditugun gorabehera soziopolitikoen erdian, ahalegin askoren emaitza da. Euskal Herrian hiru administrazio publikoetan hezkuntza politikaren ardura duten gobernu eta erakundeek –EAEn, Nafarroan zein Iparraldean– bide honetan herritarrek adierazi eta landutako oinarrizko adostasunen eta emandako urratsen aurka egitea larria litzateke. Larria, hain zuzen ere, euskal jendarteak behar duen hezkuntza oztopatu eta eskola helburu ideologiko jakin batzuen menpe ipiniko lukeelako.
Hezkuntzaren eremuan egina dugun ibilbideari modu kezkagarrian eragiten dioten erabakiak hartzen ari dira: besteak beste, euskararen presentzia eta ezagutzari buruzkoak, euskararen ofizialtasuna bera ukatzea, Euskal Herria ulertzeko modu murriztailea, testu liburuak zentsuratzeko nahia, irakasleen gabezia edota biktimen auzia bideratzeko bultzatu nahi dituzten politikak. Era horretan, modu larrian itxuraldatzen dituzte urte askotan gure hezkuntza komunitate zabalean landutako bide eta adostasunak.
Egun hauetan eztabaida sortu da hainbat ikastetxetan zuzendariek hartutako jarrera dela eta. Krisi ekonomikoa aitzaki hartuta egiten ari diren murrizketak salatu dituzte, besteak beste. Oarsoaldekoa Hitzak Arantxa Egizurain Karmengo Ama ikastetxeko zuzendaria elkarrizketatu du (jatorrizko elkarrizketa hemen):
Isabel Zelaa Eusko Jaurlaritzako Hezkuntza sailburuak ikastetxeetan murrizketarik egongo ez dela adierazi arren, Trintxerpeko Karmengo Ama ikastetxeko zuzendari Arantxa Egizurainek (Pasaia, 1962) ez dauka hain argi hori. Beste hainbat ikastetxeetako zuzendariekin batera (eskualdeko asko daude bertan), dimisioa aurkezteko ohartarazpena egin du. Datozen egunetan protesta gehiago egitea ere ez du baztertzen.
Gipuzkoako hainbat ikastetxeetako zuzendariek dimisioa aurkezteko ohartarazpena egin diozue Hezkuntza Sailari. Zergatik?
Hau guztia Oarsoaldeko zuzendari batzuk bultzatuta hasi zen. Zuzendari guztiok hilabetean behin mintegi desberdinetan elkartzen gara. Lehengo astean lanpostu zerrendak jaso genituen, eta joan den astean bertan alegazioak egin behar izan genituen. Lanpostu zerrenda horiek jasotzean ikastetxeetan irakasle gutxiago jasoko genituela jabetu ginen. Aurretik, maiatzaren 19an, bilera egin genuen Hezkuntza Sailak deituta. Bilera horretan lanpostu zerrendak osatzeko irizpideak zeintzuk izango ziren azaldu ziguten, eta hori azaldu ondoren, zuzendari batek esan zuen irizpide horiek ikusita bere ikastetxean hiru irakasle gutxiago aurreikusten zituela. Horrela, joan den asteartean Gipuzkoako asanblada izan genuen, asteazkenean talde handi bat Bilbora joan ginen, ostiralean prentsaurrekoa eman genuen...
Karmengo Aman aldaketarik sumatu duzue?
Bai, antzeman ditugu. Isabel Zelaak esaten du dena gaizki ulertua izan dela, eta agian arrazoi du. Agian teknikoek ez dute jakin irizpideak nola aplikatu. Gure kasuan, adibidez, Ikaskomunikate proiektua garatzen ari gara, berrikuntza modura. Eta berrikuntza horren arabera, ez dugu inongo proiekturik aurkeztu behar. Orain arte proiektu eskaera eginez, irakasle erdi baten kreditua lortzen genuen, 0,50 kreditu, hain zuzen. Datorren ikasturtetik aurrera galerak izango ditugu zentzu horretan. IKT proiektua lantzeko, esaterako, kreditu erdia ematen ziguten, baina datorren ikasturterako orokortu egin dute irizpide hori. Gauzak horrela, guri faltako zaigun irakaslea eskuratuko ote dugun ez dakit. Hala ere, ikastetxeei zenbat irakasle faltako zaizkien ez da kontua; irizpide orokorren kontra gaude. Eskoletan erronka handiak ditugu, eta giza baliabideak ezinbestekoak dira.
"Zer ari da gertatzen hezkuntzan?" galdera jende askok egiten du. Curriculum dekretuak, hirueletasun proposamenak nonnahi, euskaraz ikasteko ezintasuna, biktimei buruzko proposamenak, hezkuntza mugimenduan egondako aldaketak... guzti horrek kezkatzen bazaitu gaur, ekainak 1, Bergarako Kultur Etxean hitzaldi/eztabaida egingo dugu, arratsaldeko 19etan hasita. Anima zaitezte!
Mezu honen Gaiak jasotzen duen bezala, Ohar garrantzitsu bat helarazi nahi dizuegu gaurkoan. Izan ere, arazo teknikoak medio, datorren larunbateko, ekainaren 5eko, hitzordua ATZERATU BEHARRA DAUKAGU.
Hezkuntza mugimenduaren gaineko hausnarketa darabilgu eskuartean: norbanakoekin, hezkuntza eragileekin... eta batzarrari ahalik eta probetxu gehien ateratzeko asmotan, berau atzeratzeko erabakia hartu behar izan dugu. Zalantza ugari izan ditugu, izan ere, ikasturtea amaitzeko gutxi falta da eta agenda oso beteta dago. Beraz, larunbat honetan hitz egin beharrekoak, UDAZKENEAN EZTABAIDATUKO DITUGU.
Hala ere, bitartean, badaukagu lana eskuartean. Esan bezala, martxoaren 13a, Hezkuntza Sistema Nazionalaren alde gauden kideon bidean, mugarri garrantzitsu bat izan zen. Garrantzitsua, ez bakarra. Horregatik, bide horretan bestelako mugarriak jartzen jarraitu dezagun, gonbite bat luzatu nahi dizuegu.
tokian tokiko harremanei garrantzia emanez + eragileekin hartu-emanak estutuz.
Guztion ekarpenak dira beharrezkoak hausnarketa horretan. Guztion iritzia da kontuan hartzekoa. Arreta berezia jarri nahi dugu tokian tokiko harremanei garrantzia emanez eta hezkuntza eragileekin hartu-emanak estutuz. Horregatik, honako galdera hauek luzatu nahi dizkizuegu, hauen gainean hausnartu eta nahi izanez gero, ekarpenak guri bideratzeko. Edo, aukera polita izan daiteke zuen herri, auzo edota ikastetxean hauetaz eztabaidatzeko guneak antolatu eta eztabaida horietan jasotako ondorioak guri helarazteko.
Hona hemen, hausnarketaren oinarriak: * Nolako hezkuntza mugimendua behar du Euskal Herriak? Zeintzuk izan behar dira hezkuntza mugimendu berriak izan beharreko aldarrikapenak? Zein izan behar da aldarrikapen orokorra? Zeren baitan bildu behar ditugu indarrak?
* Herriz herri, ikastetxez ikastetxe, zeintzuk dira hezkuntza mugimenduaren indarguneak eta ahulguneak? Nola antolatu beharko litzateke hezkuntza mugimendua herrietan, ikastetxeetan, auzoetan...? eta nazio mailan, zein da eragileek jorratu beharreko papera?
Ez dira galdera errazak. Abstraktuegiak suerta daitezke agian. Baina ziur gaude, guztiok daukagula iritzi edo sentipenen bat hauen inguruan. Beraz, esandakoa. Galdera hauen erantzunak, bestelako galdera batzuen planteamendua... guztiak ongi etorriak.
Bildu, eztabaidatu, hausnartu... Guztion artean, guztion ekarpenekin, elkarlanean eraikiko dugu HEZKUNTZA SISTEMA NAZIONALA!!!
Gasteizen gaur egitekoa zen hitzaldia astebete atzeratu da. Hurrengo asteazkenean, ekainaren 2an, Ramon Bajo ikastetxean izango da, arratsaldeko 18etan. Bertan testu-liburuen gaineko azterketa egingo da eta larunbatean, ekainaren 5ean, Altsasun izango den Batzar Irekiaren nondik-norakoak azaldu.
Halaber, egun horretan bertan, beste hitzaldi bat eskainiko dugu Bergarako Kultur Etxean, testu-liburuak eta hezkuntzako egoera mintzagai hartuta. Ekainaren 3an, osteguna, ekimen berdina egingo dugu Sortzen-Ikasbatuazekin batera Etxarri-Aranatzen. Bertan testu-liburuak aztertzeaz gain Nafarroan "Euskal Herria" hitzak dituzten liburuak debekatzeko hartutako neurriak aztertu eta zer egin daitekeen ikusiko dugu.
Euskal Herriak Bere Eskolako kideok hezkuntzari buruz egiten dugun irakurketa zabaltzen jarraitzen dugu. Ikasturte osoan zehar egin bezala ahalik eta jende gehianerakin hezkuntza mugimendu berritu bat sortu eta egoerari aurre egiteko eztabaidak bultzatzen gabiltza. Horregatik Sortzen-Ikasbatuazekin batera hainbat hitzaldi prestatu ditugu, egoerari buruz eztabaidatu eta datorren ekainaren 5ean Altsasun egingo den Batzar Irekia indartu asmoz.
Hurrengo zitak aste honetan bertan ditugu, Gasteiz eta Diman. Gasteizen maiatzaren 26an izango da hitzaldia, Alde Zaharreko Ramon Bajo ikastetxean. Bertan testu-liburuei buruz egin dugun tailerran egoeraz mintzatu eta eman daitezkeen pausoak aztertuko dira. Hurrengo egunea, maiatzaren 27an, Diman, arratsaldeko 18:30tan, hitzaldia egingo da eskolan. Bertan egoera orokorraz eztabaidatzeko aukera egongo da eta bereziki Sortzen-Ikasbatuazen proiektua ezagutzeko.
SASI GUZTIEN GAINETIK: Etengabeak izan dira Euskara eta Euskal irakaskuntzaren kontrako erasoak betidanik, eta egun oldarraldi berria ari gara nozitzen, erasoak arlo eta eremu guztietan ematen direlarik; dekretu ezberdinak (curriculum, derechos y deberes...), euskalduntzen ez duten ereduen indartzea, Euskal Herria testu liburuetatik desagerrarazteko zentsura, eskubideen zatiketa... eta hauei, orain arte bezala, leloari jarraikiz, aurre egin behar zaie gure alternatiba jendarteratuz: HEZKUNTZA SISTEMA PROPIOA.
Horretarako inoiz baino beharrezkoagoa da hezkuntza komunitate osoa bide beretik joatea, eta Sortzen Ikasbatuazen proiektuarekin bat egitea, sare dinamiko eta indartsu bat eratuz Euskal Herriko auzo eta herri guztietan.
27. Herri Urrats-ek Euskara mihian, irria begian lelopean ospatu dute atzo. Milaka euskaltzale bildu ziren Senpereko aintziraren inguruan. Halere, aurreikuspenak ez ziren bete. Horregatik, aurten Herri Urrats "ez dela egun batekoa izanen" gogora ekarri dute antolatzaileek. Janeko euskaltzaleen laguntzak beste modu batean jasotzeko bideak aztertzen ari dira Seaskako arduradunak. Iparraldeko ikastolek deialdi berezia egin zuten aurten Herri Urratsera joaiteko, Jaurlaritzatik jasotzen dituzten laguntzak anitz murriztuko baitira. Azken bost urtetan EEPtik jasotzen zuen laguntzatik at, 1.100.000 euro hartzen zuen Seaskak Jauralaritzatik. Akordio berria oraino ez badute izenpetu, azken berrien arabera heldu den hiru urtetan 450.000 euro inguru emateko nahikeria agertu du Lakuak.
Euskal Herriko ikasleok urteak daramatzagu hezkuntza sistema arrotz eta inposatu baten menpean. Baina guk argi dugu hau ez dela nahi dugun hezkuntza:
Sistema patriarkalaren iraupena ziurtatzen duen hezkuntza sistemaren aurrean, hezkidetzan oinarritutako hezkuntza nahi dugu.
Hizkuntza eta eduki arrotzak inposatzen dizkigun hezkuntza sistemaren aurka, euskara eta eduki euskaldunak ardatz izango dituen hezkuntza nahi dugu.
Ez dugu ikasle sumiso, akritiko eta pasiborik nahi. Infantilizazioa gaindituz, ikasle kritikoak eta aktiboak heziko dituen hezkuntza nahi dugu.
Ez dugu autoritarismoz jokatzen duen hezkuntza sistema nahi. Parte-hartzailea eta pedagogikoki berritzailea izango den hezkuntza nahi dugu.
Hezkuntzarekin ere negozioa egin nahi duen sistemaren aurrean, publikoa eta herritarra izango den hezkuntza nahi dugu.
Inposatutako Hezkuntza Sistema Arrotzen aurrean, gure hezkuntzaren aldeko hautua egiten dugu ikasleok. Gure hezkuntza, Hezkuntza Sistema Nazionala nahi eta behar dugu. Bide horretan, ezinbestekoa da bildu eta egunez-egun inposatutako hezkuntza sistemari ezetz esan eta gurea eraikitzea, arkatzak zorroztu eta geroa marraztea!
IKASLE BORROKAZ HEZKUNTZA SISTEMA ERAIKITZERA GOAZ!
Arangoitiko EHBEk hezkuntzari buruzko jardunaldiak antolatu ditu Irakasle Eskolan. Bertan aditu ezberdinekin solasaldiak egiteko aukera egongo da, "Nondik gatoz eta nora goaz" galderari erantzuten. Saio guztiak eguerdiko 12tan hasiko dira eta lau saioetara joanez gero aukera askeko kreditu bat lor daiteke. Hitzaldiak honakoak dira:
Apirilak 28, asteazkena. Hitzaldia: EUSKALDUNTZEA ETA EUSKAL CURRICULUMA; ZERTAN GAREN. Paulo Iztueta
Apirilak 29, osteguna. Hitzaldia: CURRICULUMA ETA IDENTITATEA: ZER DA EUSKAL CURRICULUMA EUSKAL EGITEN DUENA? Gurutze Ezkurdia eta Begoña Bilbao
Maiatzak 5, asteazkena. Mahaingurua: ELEANIZTASUNA ETA HEZKUNTZA: NON ZER? EHBE, Kontseilua, Seaska eta Sortzen Ikasbatuaz
Maiatzak 6, osteguna. Eztabaida: IKASLEOK ETA IRAKASLEOK IRAKASLE ESKOLETAN. Eskolako ikasle eta irakasleak
Euskal Herriak Bere Eskola herri ekimenak azkenaldian hezkuntza esparruan pairatzen ari diren gertaeren aurrean, bere irakurketa plazaratu nahi du mezu honen bitartez:
Gehiengo sindikalaren irakurketa Atzoko egunean gehiengo sindikala osatzen duten ELA, LAB eta STEE-EILAS sindikatuek argitaratu zuten irakurketarekin bat egiten dugu.
Hezkuntza herri baten biziraupena zein garapena ziurtatzeko funtsezko esparrua da. Azkenaldian, eskola komunitatearen gehiengoaren iritzia kontutan hartu gabe, onartu berri diren proposamenek, EAEko Hezkuntza administrazioak hezkuntzaren erabilera partidista egiten duela baieztatzera garamatza, euskal ikasleen doktrinamendua dute helburu.
Inposaketa hauek guztiak, euskaldun gisa hezkuntzaren bidez belaunaldiz belaunaldi transmititzen diren balore, ezagutza eta jakintzak manipulatzea dute helburu.
Zehazki, euskara eta euskal nortasuna ikastetxeetatik desagerrarazi nahi dituzte, bestelako sentimendu nazionalistak gezurra, manipulazioa eta bortxaren bidez inposatuz. Gogorra baldin bada ere, frankismoaren garaiak datozkigu oroitzapenera non eraztunaren zigorra aplikatzen zen, euskaraz hitz egite hutsagatik. Zein izango da hurrengo urratsa?
Gaur goizean ELA, LAB eta STEE-EILASek prentsaurrekoa egin dute hezkuntzaren gaineko irakurketa egiteko asmoz. EHBEko kideok ikasturte honetan zehar askotan esan dugu egoerak erantzun zabal eta jendetsu bat behar duela. Horregatik euskal gehiengo sindikalak eginiko adierazpenak jasotzen duen deia animatu nahi dugu: mobilizatu eta elkartzeko garaia da. Hau da goizean irakurri duten testua:
Eusko Jaurlaritzaren Hezkuntza Sailak berriki argitaratu du bere Hezkuntza curriculum dekretu berria. Honi lotuta, hezkuntzari gogor eragiten dioten erabakiak eman ditu ezagutzera. Esanguratsuenak hizkuntza ereduen eta bereziki euskararen ingurukoa, Euskal Herria ulertzeko moduari dagokiona eta biktima batzuk soilik ikasgeletan izateari buruzkoa. Hezkuntzan gehiengo sindikal zabala osatzen dugun ELA, LAB eta STEE-EILAS sindikatuok gure erabateko desadostasuna eta kezka sakona agertzen dugu Jaurlaritzaren jokabide eta erabaki hauen edukiengatik.
Lehenik eta behin, kasu hauetan guztietan Jaurlaritzaren prozedura salatu beharrean gaude. Eragile ezberdinen parte hartzea bilatu, iradokizun eta gomendioak jaso eta adostasuna bilatzen saiatu dela dioen arren, herri honetan eta hezkuntzan gehiengoa osatzen dugun sindikatuokin eta beste hainbat eragilerekin ez du harremanik izan eta ez du inongo ahaleginik egin eragile ezberdinekin adostasuna bilatzeko. Erabaki hauek guztiak hezkuntza munduari ezarritako inposizio hutsak izan dira.
Hezkuntza Deialdiaren baitan Bilboko kaleak hezkuntza aldarrikapenez bete genituenetik hilabete igaro da eta gaurkoan aurrera begira eman beharreko urratsak zehaztu dituzte EHBEko kideek Oiartzunen eginiko Koordinazio Batzarrean. Bertan bai epe laburrean ditugun erronkak bai eta erreflexio orokor batzuk egin dira eta berauek hemen laburbildu ditugu:
Epe laburrean Ikasturte honetatik geratzen diren bi hilabeteak zeharo garrantzitsuak izango dira orain arte emaniko pausoak eraginkortu eta hezkuntza mugimendu indartsu bat sortzeko. Hori dela eta hainbat ekimen aurreikusten ditugu aldarrikapen ezberdinak plazaratzeko.
Lehenengoa maiatzaren 8an Hernanin egingo dugun Euskal Unibertsoa izango da, “Herri jakintza nahi dugu... eta jakintza herriarentzat nahi” lelopean. Urteak daramatzagu ekimen hau eginez eta iaz Eibarren unibertsitatetik herrira salto egiteko erabakia hartu genuen. Aurten Hernanik hartuko du Euskal Unibertsitatea aldarrikatzeko eguna eta bertan unibertsitate euskalduna, herritarra, Euskal Herriaren beharren arabera ikertuko duena eta hezkidetzailea eraikitzeko deia luzatu nahi dugu. Hurrengo asteotan helaraziko da informazio gehiago ekimen honen inguruan.
Eraso latzak jasaten gabiltza eskolaren euskalduntzean. Urteetan emandako pausoak atzean gera daitezke EAEn aurkeztutako eredu hirueledunarekin, Nafarroako TILarekin eta Ipar Euskal Herriko eskola txikien itxierarekin. Honen aurrean euskaldunduko duen eskola baten aldeko ekimenak biderkatuko ditugu eta kontzientziazio lanean eragin. Beste eragile batzuekin batera eredu bakarra aldarrikatuko dugu herri eta ikastetxeetan.
Bukatzeko bihar Artaxoan hasita eta hurrengo asteetan zehar izango diren Hezkuntza Jaialdi ezberdinetan Hezkuntza Sistema Nazionala aldarrikatu dadin pausoak ere emango ditugu. Herri honen gehiengoa euskaldunduko duen eskola baten alde egoteaz gain geure proiektu propioak sortzearen alde ere baitago. Eta hori erakutsiko da Artaxoa, Bermeo, Iruñea, Senpere eta Agurainen, besteak beste. Gaurtik haratago Baina ekimen hauek ez dira gaurkoan erabakitako gauza bakarra. Hezkuntza Deialdiarekin abitatutako bidea bururaino eraman nahi dugula da gaurko erabaki nagusia. Eta horrek Hezkuntza Mugimendu berritu baten sorrera ekarri behar du (eta ekarriko duenaren ziurtasuna dugu). Hurrengo asteotan Hezkuntza Deialdian parte hartu genuen pertsona guztiokin berriro ere aurrera begira jartzeko ariketa egingo dugu. Eta ariketa horretatik hezkuntza suspertzeko apustua gailenduko da. Ez dira geldi egoteko garaiak: geure herria, hizkuntza eta kulturaren aurka daudenek argi ikusi dute abiadura handitu behar dutela. Gure papera ezin da izan radar batena, euren abiadurari argazkia atera eta salaketa jartzen duen ikuslea. Gure papera lasterketa irabaztea da, eta horretarako denok egin behar dugu bultza.
Hurrengo asteotan Hezkuntza Deialdian irabazitako guztia egonkortu eta gogo berriekin erronka berriei heldu beharko diogu. Horretarako bidelagunak baditugu. Gehiengoa dago gure alde eta, azken asteotan argi ikusi den bezala, geroz eta gehiago gara egoerari buelta eman nahi diogunak.
EHBEko kideok deialdi bikoitza egin nahi dugu gaurkoan Oiartzundik. Lehenengo eta behin, hezkuntza komunitateari bereziki eta euskal herritarrei orokorrean saretu eta mobilizatzeko deia luzatu nahi diegu. Saretu. Eta mobilizatu. Biak ala biak behar-beharrezkoak dira momentu honetan.
Bigarren deialdia hezkuntza eragileei egin nahi diegu: ekin diezaiogun bideari denok elkarrekin. Guretzat berdin dio bidearen zein puntutan dagoen bakoitza: guztiok goaz norabide berdinean. Ados gauden puntuetatik abiatu dezagun geldiezina izango den olatua. Zuen esku ere badago.
Gaur prentsaurrekoa egin du Ikasle Abertzaleakek Leioako Arte Ederren fakultatean. Bertan "Marraztu dezagun geroa!" dinamika aurkeztu dute:
Mundua eta hezkuntza bestelako kolore batekoak izan daitezkeela egunero erakustarazten diguten fakultate honetatik, irudimenaren eta sormenaren fakultatetik alegia, Ikasle Abertzaleak-ek ikasturte amaierako kanpainaren aurkezpena egin nahi du:
Kanpainaren leloa Marraztu dezagun geroa! da. Hori da hain zuen hezkuntza komunitateari orokorrean eta euskal ikasleriari zehazki helarazi nahi diogun mezua eta jarduna. Izan ere, espainiar nahiz frantziar estatuetako hezkuntza sailetatik iristen ari zaizkigun eraso guztien aurrean, euskal hezkuntza sistema propioan sinesten dugun guztiok ezin baitugu besoak gurutzaturik gelditu.
Apirilaren 18an Artaxoan Sortzen-Ikasbatuazek jaia antolatu du, zonifikazioa salatu eta Artaxoa, Mendigorrian eta Euskal Herri osoan ofizialtasuna eskatzeko asmoz. Hau da prentsaurrekoan irakurritako testua:
Gaur hemen bildu gara zonaldeko alkate, herritar zein Sortzen Ikasbatuazeko ordezkariak apirilak 18an herri honetan (Artaxoan) egingo dugun jaiaren aurkezpena egiteko. Ekitaldiz betetako jaia izango dugu, baina aldarrikapena ere gurekin egongo da: Euskaraz bizitzea nahi dugu, eta horretarako ezinbesteko deritzogu zonifikazioarekin amaitzea eta euskara ofiziala izatea Euskal Herria osoan, arazoa ez baita soilik gure herrietakoa. Horregatik gure leloa hauxe da: ZONIFIKAZIOARIK EZ! OFIZIALTASUNA MENDIGORRIAN, ARTAXOAN ETA EUSKAL HERRI OSOAN!
Lelo honekin ehunka euskaltzale biltzea espero dugu ondoko egitarauaz gozatzeko:
-10:00 Dianak Artaxoako Dultzaineroekin. -10:00 Artisauak. -10:30 Harrera ekitaldia eta txalapartariak. -11:00 Txistorrada. -11:15 Cola Castellera los marracos de la Universitat de Lleida. San Fermin Peñako Iohaldunak, Mendigorriako txistulariak, Batukada eta Nafarroako eskolako trikiak kalejira. Puzgarriak haurrentzako. -12:00 Garesko Dantzari txikiak. -13:00 Popi eta Zaratrako Pailazoak. -14:30 Bazkaria eta bokatak txoznan. Musika girotzeko. Zozketa. Erromeria. -16:00 Jotak. Euskaraz eta erdaraz. -17:00 Elektrotxaranga eta laiak. -18:00 Non-nahi Garesko taldearekin kontzertua. -19:00 Herria biltzera!
Milaka izan gara Bilboko kaleetan bildu garen herritar, guraso, ikasle eta irakasleak. Milaka izan gara inposaketei ez! esan eta Euskal Herriak bere hezkuntza sistema behar duela aldarrikatu dugunok. Izan ere EHBEko kideok pozik hartu dugu gaur Bilboko kaleetan emaniko erantzuna eta zinez eskertu nahi ditugu gurekin batera bide honi ekin dioten guztiok. Garaia da hezkuntzan erabakitzeko eskubidearen alde gaudenok bildu eta aurrera ekiteko. Soilik horrela lortuko dugu gure hezkuntza sistema eraikitzea.
Sarasateko Adierazpena aurkeztu genuenetik gaur arte asko izan dira egindako aurkezpen eta ekimenak. Jasotako atxikimenduak ehunka dira jada. Eragile ezberdinek deitu dute bihar parte-hartzera, baina EHBEtik herriari eman nahi diogu garrantzia, hezkuntza komunitateari. Horregatik gaur azken deialdia luzatu nahi dugu, guzti hauekin batera:
Iruñeko Foruen Monumentuaren aurrean lehengo urteko Ekainean aurkeztu zen Sarasateko Adierazpenak hasi zuen mugimenduaren haritik etorri dira Hezkuntza Deialdia eta Bilbon Martxoaren 13ko mobilizazio nazionalerako hitzordua.
Sarasateko Adierazpenean, Hezkuntza Sistema Nazionala eraikitzeko deialdia luzatu zen. Euskal Herrian ditugun beharrak eta eskubideak ez direlako gaur egungo legedi eta markoetan ez onartu, ez asetzen; herri bezala ditugun ezintasun estrukturalak lankidetzaz, elkarlanaz eta akordioz baino ezin izango ditugulako gainditu; euskaraz ikasi ahal izateko, Euskal Herria ikasi ahal izateko edo gure herriaren beharrak asebetetzeko gure sistema propioa behar dugulako. Aspalditik, altxatu eta tresna berriak eraikitzen jakin izan dugulako, orain arte egindakoa bildu eta aurrera ekiteko garaia heldu dela plazaratu zuen Sarasateko Adierazpenak.
Hezkuntza Deialdiak berriz, hezkuntza mundutik, hezkuntza munduari eta jendarte osoari deia egin dio INPOSAKETEI EZETZ esateko eta aldi berean, EUSKAL HERRIAK BERE HEZKUNTZARI BAI esateko.
Irakasle Eskoletan ikasle eta irakasle garenon aldetik, Sarasateko adierazpenak egin zuen diagnostikoarekin bat egin eta Hezkuntza Deialdiak luzatu berri duen aldarrikapenera atxikiz, Bilbon hilaren 13an biltzeko asmoa dugu.
Garai gazi-gozoak bizi ditugu gure herrian, garai gazi-gozoak bizi ditu euskarak egunotan.
Gozoak dira bai garaiok, herritarrok Euskal Herria berreuskalduntzearen aldeko hautu argia egin dugula gero eta nabariagoa baita arlo guztietan. Hezkuntza dugu honen adibide garbia: euskarazko eredu bakarraren aldeko jendartearen jarrerak Nafarroan eremu mistoa zabaldu eta Nafarroa osoan eta Ipar Euskal Herrian ikastolak onartzea izan du ondorio. EAEn praktikan hizkuntza ereduen politika gainditzea lortu dugu gurasoen %4ak bakarrik aukeratu baitu A eredua azken aurrematrikulazioaren datuen arabera.
Ordea, bada egoera hau onartu ez eta garai garratzak ekarri nahi dizkigunik. Aurreko astean ezagutu genuen Patxi Lopezen gobernuak Celaá sailburuaren eskutik inposatu nahi digun eredu berria. Hezkuntza eragileak entzun barik, PSOE-PP artean hitzartutako eredu berriaren bidez, ingelera eta atzerriko hizkuntzen ezagutzaren aitzakiaz, euskara zokoratu nahi dute. Gutxienez eskola orduen %40ak gazteleraz eta ingeleraz izan beharko du, gurasoen %75ak aukeratu duen D eredua desagerraraziz, eta erresiduala den A ereduaren eta B ereduaren artean dagoen eredua inposatuz.
Gara egunkariak elkarrizketa egin dio Edurne Larrañaga EHBEko kideari. Hauxe dira bere hitzak:
«Inposaketarik ez! Euskal Herriak Bere Hezkuntza» leloa izango du larunbateko manifestazioak. Zer salatu eta aldarrikatuko duzue bertan?
Lelo horren atzean jende andana bilduko duen manifestazioa izatea espero dugu. Ikusten ari gara azkenaldian hezkuntzan ematen ari diren hainbat mugimendu kezka iturri direla. Beraz, uste dugu hori salatu eta erantzuna eman beharrean gaudela. Era berean, aldarrikapenerako aukera ere izango da; hezkuntza sistema nazionala behar dugula aldarrikatuko dugu.
Zein da hezkuntza sistemaren egoera Euskal Herrian?
Guk hiru gako nagusi nabarmentzen ditugu. Batetik, hizkuntza edo euskal irakaskuntza azken hamarkadetan ezagutu gabeko erasoaldia jasaten ari da egun, eta atzean euskararen aurkako gurutzada dago. Gero, curriculuma dago. Argi ikusten da Euskal Herriaren existentziaren aurka ari direla; gure historia ezabatuz, etorkizuna deuseztatu nahi dute.
Hirugarren gakoa berriz, finantzaketaren afera, edo guk hezkuntza herritarra deitzen duguna da. Kontua da, erakundeek finantzaketaren bidez menderatzen dituztela ikastetxeak. Hemengo dikotomia, zentroa publiko edo pribatua izatea, finantzaketaren araberakoa da. Guk defendatzen duguna bereizketa hori eskubideetan oinarritzea da. Alegia, hezkuntza eskubideak defendatzen dituena edo euskalduntzen duena publikoa izan dadila, besteak ez.
Larunbateko zita geroz eta gertuago dugu eta gaurkoan berarekin bat egin duten hainbat eragilerekin batera prentsaurrekoa egin dugu Bilboko Kafe Antzokian. Gerturatu direnak honakoak izan dira: Ikasle Abertzaleak, LAB, Sortzen-Ikasbatuaz, Ezker Abertzalea, Eusko Alkartasuna, Elkartzen eta Euskal Herrian Euskaraz. Baina horietaz gain baditugu beste hainbat atxikimendu, Euskal Herriko Bilgune Feminista, Euskaria Fundazioa, Bai Euskal Herriari, Segi eta Gazte Abertzaleak. Hurrengo egunetan oraindik eragile gehienen sostengua jasotzea espero dugu. Hauxe da irakurritako testua:
Adobe Flash Player not installed or older than 9.0.115!
Hezkuntza. Herri baten izaera, hizkuntza, kultura, balioak…belaunaldiz belaunaldi transmititu edota garatzeko tresna oso baliotsua da. Are eta gehiago mundu globalizatuan, uniformizazioak aberastasunaren kaltetan hizkuntza eta kulturen desagerpena eragiten baitu egunero. Zer esanik ez Euskal Herrian, gure hizkuntza eta kultura gutxituak dauden lurraldean, gure hezkuntza sistema behar dugu.
Zoritxarrez, Espainia eta Frantziako Estatuek soilik berea nahi dute, beraien eskuetan duten lurralde osoan hizkuntza eta kultura bakarra nahi dute, española eta frantsesa. Azken hilabeteotan, hezkuntzaren bidez estatuen uniformizazio saioa indartzen ari dira, hamarkadatan ezagutzen ez genituen jokaerak erabiliz, guztiak balio du euskara eta Euskal Herriaren aurka:
Hezkuntza Deialdiarekin aurrera egiten dugu eta gaurkoan testu berezi bat aurkeztu dute kultura eta hezkuntzako hainbat pertsona esanguratsuk. Amets Arzallusek eginiko testuarekin bat egin dute Pello Albite (Migrazioan aditua eta Unibertsitateko irakaslea), Koldo Zuazo (Hizkuntzalaria eta Unibertsitateko irakaslea), Maite Aristegi (Baserritarra), Izaskun Gastesi (Ikastolen sortzailea), Floren Aoiz (Historialaria), Ines Osinaga (Gose taldeko kidea), Gotzon Barandiaran (Poeta), Amets Arzallus (Bertsolaria), Miren Amuriza (Bertsolaria), Maddalen Iriarte (Kazetaria), Juan Mari Larrarte (Kazetaria) eta Pirritx eta Porrotxek (Pailazoak). Testua Donostiako Paseo Berrian dagoen Oteizaren "Eraikuntza hutsa" eskulturaren aurrean aurkeztu nahi genuen, baina eguraldi txarra egingo zelakoan Donostiako Dokan aurkeztu dute:
"Hezkuntza plazara, plaza eskolara!"
Bihotz, buztinezko Bihotz, Etxe ttiki bat zara, Ahula, hauskorra, lau gelatako. Jorge Oteizak Donostiako Paseo Berrian dagoen eskulturari "Eraikuntza hutsa" izena jarri zion. Ez dakigu Oteizak zer zuen buruan eskultura sortu zuenean, baina badakigu eraikuntza guztiak hutsak direla ez badiogu guk bizia ematen. Ikastetxeak ere eraikuntza hutsak baino ez dira, ikasle, irakasle eta gurasorik gabe. Eskola hutsa, ahula eta hauskorra. Hemen bildu garenontzat hezkuntza ez da hitz huts bat. Hezkuntza da bizitzaren funtsa, ereiteko eta biltzeko modurik politena. Bihotzean daramagu, gure etxe ttiki bat bezala. Eta horregatik gaur egungo egoerak kezkaturik gauzka. "Herria da gorputza, hizkuntza bihotza" Xalbadorrek erakutsi eta herriak ikasia. Bada, hizki bat aldatuko diogu, eta zabalduko dugu hezkuntzarik gabe gorputz hori etxe huts bat dela, lau gelatako etxe ttiki, ahul eta hauskorra.
Der, des menschen Sinn, Von zweifeln voll. "Gizakion patua, dudaz betea" dagoen bezala, euskaldunok nahi dugun hezkuntzarena mugaz betea dago. Erasoak ikusten ditugu egunero bihotz gela guzti horietan: euskalduntzen duen eskola bat nahi dugu, eskola bat, bere buruari eta gureari zutik eutsiko diona, eta ereduen politika ematen digute, makila busti iharra; gure edukiak ikasi ahal izateko Curriculum propioa nahi dugu eta Torquemada eta Pierre de Lancrek "España" eta "France" izkiriatu dituzte gure liburuetan, eta ehun aldiz kopiarazi guri; Euskal Herria oinarri izango duen unibertsitatea eraiki nahi dugu, euskaratik eta euskaraz, eta dirua eta statu quoa defendatzen dituzten unibertsitateak ematen dizkigute, goitik behera eraikiak; hezkuntza herritarra eraiki nahi dugu, herri-baloreetan oinarritua, eta orain jujeek erabakitzen dute zer ikasi eta irakatsi behar den, zeintzuk diren gure etorkizuneko jendartearen baloreak, zein den Euskal Herriaren esanahia, erdaraz esplikatzera datozkigu.
Ilun, ez da dena ilun, Begirazazu leihotik, Ikustazu baso hori, berdatzen. Ez da dena ilun, ordea. Bagara milaka egoera aldatu eta bideari ekin diogunak. Milaka gara eta bidean elkartzeko garaia da. Negua da, negu gorria. Baina berehala etorriko da berdatxea, udaberria, hezkuntzara, gure ereite aroa: lurra goldatzen ari gara gure bidezidorren alboetara. Eta kolorez beteriko basoa sortuko da, herritarren nahi eta beharrez osaturikoa, emakume eta gizonen berdintasunean oinarriturikoa. Hezkuntza etorkizuna sortzeko hazia da. Eta hazia azokara atera behar da, gure hezkuntza plazara ateratzeko eguna da, ordua da gure eskola landa dezagun. Eta guztion begien indarrez erneko da gure hezkuntza, guztiok ureztatu behar dugu, guztiok behar dugu sortu!
Horren bidean Euskal Herriak Bere Eskolak bultzatu duen "Hezkuntza Deialdia" horren adibidea da, eta martxoaren 13an Bilbon dagoen manifestaldia bidean elkartzeko egun egoki bat. Bidea luzea da, baina guztiok elkarrekin bidezidorrak zabalduko ditugu.
Gaur arratsaldean eskola eta ikastola publikoetako gurasoek, euren seme-alabez lagunduta Hezkuntza Deialdiarekin bat egin dute. Prentsaurrean aurkeztu dute euren irakurketa:
Sortzen-Ikasbatuaz, Euskal Eskola Publiko Berriaren aldeko elkarteko partaide garen gurasook bat egiten dugu Hezkuntza Deialdiarekin. Iazko urtean, Sarasateko adierazpenari gutariko askok atxikimendua erakutsi genion bezala, oraingoan, Martxoak 13rako deitua dagoen nazio manifestaldiari ere gure babesa eskaini nahi diogu. Guraso bezala, eta hezkuntza komunitateko parte aktibo bezala, gure ardura eta nahia erakutsi nahi diogu jendarteari. Gurasoak, hezkuntzaren parte, eskolaren parte garelako, azken finean, erantzukizun handia dugulako gure seme-alabek jasotzen duten hezkuntzan, euren etorkizunak eta bera, herri honen geroak arduratzen gaituelako.
Joan zen ostiralean kalejira ospatu zen Iruñeko kaleetatik barrena. 550 lagunek hartu zuten parte eta adin guztietako jendea egon zen. Hezkuntza Deialdiarekin bat egin eta inposaketen gainetik eraikuntzari ekiteko garaia zela goraipatu zen. Hemen dago bertan irakurritako testua:
“Bide guztiak ez dira errezak” zioen Sarrionaindiak, baina elkarrekin oinez, elkarrekin bultza eginez aurrera egin dezakegula irudikatu nahi izan dugu gaur egindako ibilbidearekin.
Nafarroan hezkuntza eskubide urraketak diseinatzen diren tokietariko batean hasi gara, Nafar Gobernuko Diputazio eraikinaren aurrean. UPN-k Catalán kontseilariarekin euskara, euskal kultura eta nortasunaren aurkako gurutzada indartu dute. Azkenekoa, “Euskal Herria” kontzeptua testuliburuetan agertu ezin dela, eta neurriak hartuko dituztela iragartzen ari dira, doakotasun programatik at uztea, espedienteak zabalduko dituztela mehatxatzen… Honek orain urte batzuetako garai ilun bat gogorarazten digu. 1925ean Primo De Riveraren Diktadurapean honakoa adierazi zuten:
“Los inspectores de primera enseñanza, en las visitas que realicen, examinaran los libros de texto en las escuelas, y si no estuviesen escritas en Español o contuvieren doctrinas de tendencias contrarias a la Unidad de la Patria... los haran retirar inmediatamente de las manos de los niños y procederan a formar expediente.”
Azken egunotan hainbat egunkaritan Mirari Bereziartuak eta Elias Mendinuetak idatzi duten iritzi artikulua irmoki salatu nahi dugu. Bi pertsona horiek Euskal Herriak Bere Eskolaren ahotan herri ekimenaren izaerarekin bat ez datozen hainbat baieztapen publiko egin dituzte. Euskal Herriak Bere Eskola herri mugimendu zabal eta anitza da, Hezkuntza Sistema Nazionala helburu duena. Hori dela eta, gure oinarri ideologikoei muzin egiten diotenek, ez dute tokirik EHBEn eta, are gehiago, ez dute inongo legitimitaterik EHBEren izenean hitz egiteko. A ze aurpegia! Ez dugu onartuko hezkuntza mugimendua zatitzea helburu duten hitzak EHBEren ahotan jartzea!
Behin eta berriz adierazi dugu Euskal Herriak behar duen hezkuntza sistema burujabea Ikastoletatik eta Eskola Publiko euskaldunetatik eraiki behar dela, besteak beste, bakoitza berean eta denok bide berean aritu behar dugulako. Estatu espainol eta frantsesak saiakera aunitz egin ditu Euskal Herriko hezkuntza mugimendua zatitzeko, urrutira joan gabe, 1991ko Publikotasun legea. Helburu bera, baina bide ezberdinak izan arren, hezkuntza mugimendua zatikatu eta ezin-ikusi ugari sortu ziren. Badirudi, gaur egun zauriaren gainean sua piztu nahi duenik badagoela, gugandik oso gertu. Euskal Herrian geldialdi bat eginez, ordea, konturatuko gara zatiketa horri aurre egin eta geurea definitzeko saiakera ezberdinak egin direla. 2006.urtean Oinarrizko Hezkuntza Akordioa aurkeztu zen eta bertan “Euskal publikotasun” eredu berri bat proposatu zen, hezkuntza eskubideen bermea oinarri zuena, estatuek inposatzen dizkiguten mugak gaindituz. Euskal Herriak egitura burujabea izan arte, ezingo ditugu gure erabakiak guk nahi bezala hartu, noski, baina eguna iritsi arte, ezin dugu besoak gurutzaturik gelditu.
Iritzi artikuluan agertzen diren gauza batzuekin ados egon gaitezkeen arren momentu honetan Langile Ikastola eta Alkartasuna Lizeoa erasotzeko eta, aldi berean, EHBEk martxoaren 13an antolatu duen manifestaldia zikintzeko idatzi dela uste dugu. Jarrera horiekin ez goaz inora. Are eta gutxiago orain dela 20 urteko eztabaida itxi beharrean berau irekita mantentzeko saiakera egiten bada. Zentzu honetan, elkartasuna adierazi nahi diegu Hezkuntza Sistema Nazionalaren alde lanean ari diren Ikastola eta Eskola guztiei, bereziki, Hernaniko Langile eta Beasaingo Alkartasuna Lizeoari Celaáren departamenduaren Eskola Mapa berria gogorki pairatzen ari baitira.
Bukatzeko, euskara eta euskal herria ikastetxeetan jasaten ari diren erasoaldi bortitzari erantzun bateratua emateko deia berresten dugu, elkarrekin soilik lortuko dugu amesten dugun hezkuntza sistema: martxoaren 13an denok Bilbora! Garaia da Hezkuntza Sistema proioaren alde gaudenok bildu eta aldarrikapenari beharrezko kategoria emateko, elkarren artean ditugun ezberdintasunak alde batera utzi eta batzen gaituena indartzeko.
Azken asteotan Hezkuntza Deialdiaren berri ematen egon gara. Eta baliteke zuk esatea, beno, nik manifestaldira joan nahi dut, bai, baina haruntzago ere joan nahiko nuke. Bada! Hemen duzu aukera! Manifestaldia herritarrek deitu dute eta ahalik eta gehienek bat egitea nahi dugu. Manifestaldia baino egun batzuk lehenago prentsaurrean bat egiten duten eragileekin batera deialdia egiten duten pertsona kopurua ere aipatu nahi dugu.
Gure kultur ondorea belaunaldiz belaunaldi transmititzeko, mundu globalizatu honetan herri bezala biziraun eta garatzeko, hezkuntza izan da akuilu, eta gaur Nafarroan, Euskal Autonomi Erkidegoan eta Iparraldean boterean dauden indarrek hori bera ekidin nahi dute; inposaketa, dekretu, zentsura eta eredu arrotzekin. Egoera honekin, berebizikoa da inposaketak salatu eta euskal hezkuntzaren aldeko mugimendu zabala osatzea, horregaitik gaur hemen gaude Hezkuntza Deialdiari erantzunez. Kolorezko Euskal Herria nahi dugu eta hainbeste amets eta hainbeste lan sorrarazi dizkigun koloretako hezkuntza sistema, elkarlanean eraikitzen jarraituko dugu, trabak traba.
Azken hilabeteetan “Euskal Herria” kontzeptua testuliburuetan agertu ezin dela dio Nafar Gobernuko Hezkuntza Sailburuak, neurriak hartuko dituztela iragartzen ari dira, doakotasun programatik at uztea, espedienteak zabalduko dituztela mehatxatzen… Honek orain urte batzuetako garai ilun bat gogorarazten digu.
Euskal Herria testuliburuetatik ezabatzeko zentsurari EZ! Euskal Curriculumari BAI!
D eredua eredu elebidun bakarra da, are gehiago, eredu eleanitz batez ari gara. Hori errealitate bat da eta ezin uka. Nafar Gobernuari etzaio sekula gustatu hala izatea, eta azken urteetan ematen ari duen gorakada nola-hala geldiarazi nahi du. Horretarako hizkuntza eredu berriak asmatu ditu, euskaldunduko ez dutenak. Gainera, euskara vs ingelera jarri nahi izan dituzte, eztabaida nahasteko. Berriro diogu, eredu eleanitz bakarrak D izena du.
Hello, British, TIL eta A bezalako eredu fartsei EZ! Euskalduntzea bermatuko duen hizkuntza ereduari BAI!
Nafarroa: Hiriburuko eta herri handien errealitatetatik aparte, herri txiki ugariz osatutako lurraldeaz ari gara. Herri txikien biziraupenerako oso garrantzitsua da euren heziguneak izatea, eta azken urteetan aurrekontu murrizketekin edo irizpide konkretu batzuek hauek desagerrarazteko bidea hartu dute gure herrialdean.
Landa eskolak desagertzeari EZ! Eskola eredu herritar eta euskal publikotasunari BAI!
Nafarroan Unibertsitate Publiko bat dugu, baina zer da publiko izatea? Nafarron interesen arabera antolatutako zerbitzu bat izatea? Nafarroako hizkuntzak merezi duen tokia izatea? Argi dugu, Unibertsitate Euskaldun eleanitza, herritarron araberakoa eta demokratikoa izateko eskubidea dugula.
Unibertsitate eredu arrotzei EZ! Euskal Unibertsitateari BAI!
Azken asteetan Nafar Gobernuak ikasleen betebehar eta eskubideak zehazten dituen dekretu bat onartu berri du. Eskubide gutxi eta betebehar asko. Elkarbizitza gutxi konstituzioaren araberako baloreak behin eta berriz. Sor daitezkeen arazoak ikastetxean bertan modu arrazional batean kudeatzera baino, ikasleen kriminalizazioa legeztatu eta elkarbizitza arazoak areagotzera garamatza Foru Agindu
Eskubideak murrizten dituzten dekretuei EZ! Hezkuntza kritiko eta askatzaileari BAI!
Esan bezala milaka gara eta milaka garela erakutsi behar dugu, horregatik, Otsailaren 26an kalera atera eta Hezkunza Sistema propioa elkarlanean aldarrikatuko dugu Iruñean.
Beraz, Otsailaren 26an arratsaldeko 18:00tan Nafar Gobernuko egoitzaren aurrean dugu zita, KALEJIRA koloretsu eta jendetsu batekin lau haizeetara gure aldarrikapena zabaltzeko.
INPOSAKETEI EZ! EUSKAL HERRIAK BERE HEZKUNTZARI BAI!
Hezkuntza Deialdiaren baitan egiten diren aldarri nagusiak biltzen dituen aurkezpena egin dugu. Aurkezpena eskuratzeko http://issuu.com/euskaleskola/docs/hezkuntzadeialdia helbidean sar zaitezke. Bertatik ere jaitsi ahal duzu.
Hezkuntza Deialdiaren baitan hainbat ekimen egongo dira hurrengo asteotan. Hezkuntza mugimendua suspertzeko bide luze honetan pausoak ematen gabiltzala dirudi. Hauek dira, momentuz, jasotako deialdiak:
Gaur, otsailak 10, bilera izango da Durangoko Pinondon, Hezkuntza Deialdia antolatzeko asmoarekin. Arratsaldeko 7tan da deialdia.
Otsailak 26, Iruñean, Nafarroa mailako kalejira Diputaziotik San Frantziskora.
Otsailak 26, Gasteizen jaialdia egongo da (hitzaldia, triki poteoa, kontzertua...)
Hementxe duzue martxoaren 13rako egin dugun kartel mutua. Bertan zure ekimena aipatu dezakezu eta zure leloak jarri. Tamaina handiagoan jaisteko eskubiko botoiari eman eta irudia gorde, edo, kalitate handian nahi izanez gero, egin klik hemen. Erabili eta zabaldu ahalik eta gehien!
Euskal Herriak Bere Eskolak antolatu duen "Hezkuntza Deialdia"ren baitan mobilizazio ezberdinak egongo dira han-hemenka. Iruñean otsailaren 26an Kalejira antolatu dugu, Diputaziotik San Frantzisko eskolara: inposaketatik hezkuntza sistema propioaren aldeko lorpen bateraino; egun horretan zure aldarrikapenek lekua izan behar dute eta, horretarako, kartelak egiteko beste makina bat sortu dugu:
Adobe Flash Player not installed or older than 9.0.115!
Badirudi Gasteiz eta Iruñeako Gobernuak euskal kantagintza aztertu eta irakaspenak atera dituztela azken aldian, “Herria da gorputza, hizkuntza bihotza” dio Laboaren kanta ezagunak, hala, bi gobernu hauek gure herriaren gorputza eta bihotza erasotzen ari dira gogorki. Nondik eta min gehien egiten duen lekutik, sustraietatik, Euskal Herriaren etorkizuna diren belaunaldi berriei Euskal Herria ikastea debekatu nahi diete. Atzo, EAEko tribunal nagusiaren ebazpena ezagutu genuen Nafarroa Euskal Herriaren baitan ikastea debekatzen duena; orain gutxi jakin dugu, Nafarroako ikastetxeek doakotasun programan jarraitu nahi badute martxoaren 31 baino lehen Euskal Herria ezabatu behar dutela testuliburuetatik. Kasualitatea al da aldi berean bi gobernu erabaki oso antzekoak hartzen aritzea?
EHBEn argi ikusten dugu hezkuntzaren uniformizaziorako Estatu Ituna sinatua dutela PSOE eta PP alderdiek, Hego Euskal Herriari begira behintzat bai. Alde batetik, Espainia, Konstituzioa, Legeak, Ejerzitoa eta Monarkia bezalakoak errespetatu eta baloratzen ikastea bilatzen du estatu itunak, noski, Euskal Herria ikastetxeetatik, testuliburuetatik eta curriculumetatik ezabatuz. Lehen helburu hau lortzeko curriculum dekretuak erreformatzen ari dira EAEn eta Nafarroan, tribunaletara behin eta berriz jotzen ari dira eta “Educación para la Ciudadanía” bezalako irakasgaiak asmatu dituzte.
Bestetik, bihotza erasotzen ari dira, hizkuntza. Isabel Celaá eta Alberto Catalán, EAE eta Nafarroako Hezkuntza arduradunak inposatzen ari diren Trilinguismo eta TIL ereduak euskarari kolpe gogorra ematea beste helbururik ez dute.
Martxoaren 13an Bilbon egingo dugun moblizazioak baditu jada zehaztapen gehiago. Ekitaldia eta manifestazioa aldi berean egingo dira, formatu berri batean. Arriagan hasiko da arratsaldeko 17:30tan eta bertan bukatuko da, Plaza Biribila eta Udaletxetik pasa ondoren. Kulturak, aldarrikapenek eta koloreak lekua izango dute eta "inposaketarik EZ!" esatetik "Euskal Herriak bere hezkuntza" esatera igaroko gara ibilbide sinboliko horretan.
Dagoeneko kartela eskuragarri dago webgunean, JPG eta PDF formatutan. Berehala txoko guztietan egotea espero dugu, martxoaren 13an egun oparo bat izan dezagun!
Euskal Herriak Bere Eskolak "Hezkuntza Deialdia" antolatu du, baina zure aldarrikapenak dira deialdiari zentzua ematen diotenak. Hezkuntza milaka aldarri ditugu, eta batzuetan gutxi batzuetara iristen gara. Herriz-herri ere aldarri ezberdinak egiten dira, baina horien alde mobilizazio nazionalik ez zen antolatzen... orain arte! Martxoaren 13an zure aldarrikapena bertan egon dadin nahi dugu. Horretarako kartelak modu automatikoan egiteko tresna bat sortu dugu: Kartel Makina. Mozilla Firefoxekin funtzionatzen du eta egin behar duzun bakarra da agertzen diren bi eremuak betetzea (zeri esaten zaion EZetz eta zeri BAIetz).
Hurrengo egunetan formatu ezberdinetako kartelak egiteko makinak egingo ditugu. Bitartean hau erabili eta bete Euskal Herriko txoko guztiak hezkuntza aldarrikapenez... atera ezazu Hezkuntza Plazara!
Hezkuntza Deialdiaren oinarria jasotzen duten eskuorriak dagoeneko sarean daude. Eskuorriak leku guztietara iristea denon ardura da. Horregatik ahal izanez gero berauek inprimatu eta zabaltzeko aukera ematen dugu. Eskuorria diptiko formatuan dago, hau da, erditik tolestu beharko litzateke banatu aurretik. Hemen JPG eta PDF formatutan eskaintzen dizugu, koloretan eta txuri-beltzean:
Orereta Ikastolako, Lezo Herri Eskolako, Pasaia-Lezo Lizeoko, Koldo Mitxelenako eta Langaitz Ikastolako hainbat langilek elkarretaratzea egin dute gaur Errenteria-Oreretako enparantzan, Oarsoaldeko Ikastetxeetan eta Euskal Herrian "hezkuntzak bizi duen eguneroko jarduerarekin eta egun bizi duen egoerarekin kezkatuta" daudela adierazteko. Larunbatean 18:00etatik aurrera bulebarrean egingo duten manifestaldira joateko deia egin dute Oarsoaldeko ikastetxeetako kideek "hezkuntza komunitatearekin batera, herritarrak Donostian egotea garrantzitsua izango baita".
Mezu honen Gaiak jasotzen duen bezala, Ohar garrantzitsu bat helarazi nahi dizuegu gaurkoan. Izan ere, arazo teknikoak medio, datorren larunbateko, ekainaren 5eko, hitzordua ATZERATU BEHARRA DAUKAGU.
SASI GUZTIEN GAINETIK: Etengabeak izan dira Euskara eta Euskal irakaskuntzaren kontrako erasoak betidanik, eta egun oldarraldi berria ari gara nozitzen, erasoak arlo eta eremu guztietan ematen direlarik; dekretu ezberdinak (curriculum, derechos y deberes...), euskalduntzen ez duten ereduen indartzea, Euskal Herria testu liburuetatik desagerrarazteko zentsura, eskubideen zatiketa... eta hauei, orain arte bezala, leloari jarraikiz, aurre egin behar zaie gure alternatiba jendarteratuz: HEZKUNTZA SISTEMA PROPIOA. 
Gara egunkariak elkarrizketa egin dio Edurne Larrañaga EHBEko kideari. Hauxe dira bere hitzak:
Azken asteotan Hezkuntza Deialdiaren berri ematen egon gara. Eta baliteke zuk esatea, beno, nik manifestaldira joan nahi dut, bai, baina haruntzago ere joan nahiko nuke. Bada! Hemen duzu aukera! Manifestaldia herritarrek deitu dute eta ahalik eta gehienek bat egitea nahi dugu. Manifestaldia baino egun batzuk lehenago prentsaurrean bat egiten duten eragileekin batera deialdia egiten duten pertsona kopurua ere aipatu nahi dugu.
Gure kultur ondorea belaunaldiz belaunaldi transmititzeko, mundu globalizatu honetan herri bezala biziraun eta garatzeko, hezkuntza izan da akuilu, eta gaur Nafarroan, Euskal Autonomi Erkidegoan eta Iparraldean boterean dauden indarrek hori bera ekidin nahi dute; inposaketa, dekretu, zentsura eta eredu arrotzekin. Egoera honekin, berebizikoa da inposaketak salatu eta euskal hezkuntzaren aldeko mugimendu zabala osatzea, horregaitik gaur hemen gaude Hezkuntza Deialdiari erantzunez. Kolorezko Euskal Herria nahi dugu eta hainbeste amets eta hainbeste lan sorrarazi dizkigun koloretako hezkuntza sistema, elkarlanean eraikitzen jarraituko dugu, trabak traba.
Martxoaren 13an Bilbon egingo dugun moblizazioak baditu jada zehaztapen gehiago. Ekitaldia eta manifestazioa aldi berean egingo dira, formatu berri batean. Arriagan hasiko da arratsaldeko 17:30tan eta bertan bukatuko da, Plaza Biribila eta Udaletxetik pasa ondoren. Kulturak, aldarrikapenek eta koloreak lekua izango dute eta "inposaketarik EZ!" esatetik "Euskal Herriak bere hezkuntza" esatera igaroko gara ibilbide sinboliko horretan.
bedava porno izle
porno izle
porn izle
bedava porno izle
porno izle
porn izle
