Ekainaren 11an, osteguna Euskal Herriak Bere Eskolak Euskal Herriko hezkuntza prozesuan garrantzitsua bilakatu diren Selektibitatea eta Baxoa frogen inguruko azterketa pedagogiko eta politikoa egin nahi du. Ikuspegi politikotik, herri bezala Hezkuntza Sistema Nazionalaren bidean eman daitezkeen urratsetan dituen ondorioak aztertuko ditugu, bereziki Euskal Curriculumaren aplikazioan zentratuz. Ikuspegi pedagogikotik, aldiz, ebaluazio sistema bera izango da azterketaren oinarria.

Hezkuntza prozesuaren erdignean kokatzen diren azterketa hauen gaineko azterketa pedagogiko eta politiko gehiegi egin ez direla-eta (ikasle mugimendua salbu), Euskal Herriak Bere Eskola herri ekimenak bere ekarpena bide horretan gauzatu nahi du. Gure nahia, ikuspegi kritikotik ebaluazio sistema honen gaineko hausnarketa abiatzea da, aurrera begira ireki daitezkeen aukerak aztertzeko.

Eatabaidan STEE-EILASeko Jose Bueno Sainz de Albeniz, LABeko kide bat eta IAko kide den Aitziber Plazaolak parte hartuko dute. EHBEko kide batek dinamizazioa egingo du. Baina zure ekarpena beharrezkoa da. Zatoz eta eman zure iritzia. Hitzordua ekainaren 11an da, arratsaldeko 18etan Bilbok La Bolsan.